viernes, 25 de julio de 2014

Baidesendas cumpre un ano

Neste mes de xullo Baidesendas cumpre un ano de andainas. Desde a primeira andaina que fixemos polas rúas de Baiona o 14 de xullo do 2013 realizamos 35 rutas nas que pasamos por 11 concellos diferentes (podedes ollar todas as rutas que fixemos ata o momento na sección de Quen somos). Rutas do mais variado que vos podedes imaxinar pero sempre seguindo a ideoloxía coa que se montou o grupo: pasar un bo rato camiñando e facer rutas nas que poida participar a maioría de xente, ademais de coñecer o noso entorno natural tanto material (petroglifos, mámoas, pontes, monumentos...) como inmaterial (paisaxe, flora, fauna, toponimia, historia...).
Non somos un grupo federado nin profesional, non facemos escalada nin alta montaña, simplemente quedamos os domingos pola mañán para facer andainas duns 8-12 kms nas que imos con moita calma sacando fotos, disfrutando da paisaxe e falando. Asi que se vos animades a camiñar connosco podedes facelo a través do facebook, entrando na páxina do grupo (pulsa aquí). Na páxina do facebook é onde poñemos a ruta que imos facer e onde se queda.

viernes, 11 de julio de 2014

4ª Etapa Baiona - A Guarda

Este domingo 13 de julio levaremos a cabo a 4ª etapa entre Baiona e A Guarda. Estamos a facer o traxecto entre Baiona e A Guarda por tramos duns 10 kms tentando pasar polos puntos mais interesantes tanto desde un punto de vista etnográfico como paisaxístico. A 1ª etapa foi desde Baiona ata A Ermida (Mougás) e vimos a igrexa de Sta Liberata, a virxe da Rocha, o antigo cuartel militar de Silleiro, subimos ata o alto de Silleiro para rematar na costa no barrio da Ermida en Baredo. Na 2ª etapa partimos do Barrio da Ermida e subimos ata o outeiro do home e despois ata o alto do Facho (dous altos cunhas magníficas vistas), logo fomos ata o curro de Mougás e baixamos ata o alto da Cabeciña para visitar o antigo asentameto e os seus petroglifos. Na 3ª etapa partimos de A Cabeciña e vimos os petroglifos de Pedra Lan, a poza de Mougás, os petroglifos de O Pousiño, cruzamos polo río Fervenza que nesta época vai con pouco caudal, subimos ata o outeiro da cheira (con espectaculares vistas de Mougás), vimos os petroglifos de As goteiras e acabamos no antigo asentamento do Cano dos Mouros.
A 4ª etapa é de dificultade baixa, son uns 10 kms desde o cano dos mouros ata os petroglifos de A Pedreira en Oia. Veremos as sobreiras do Faro, o bosque mediterráneo mais ao oeste de Europa con sobreira a carón das pozas do río Broi, o outeiro da Pousadela con vistas e petroglifos, os outeiros do Morouzo tamén con vistas e petroglifo, seguiremos ata o Viveiro para ir ao alto do visiño e a Figueirido para contemplar os petroglifos e rematamos nos Petroglifos de A Pedreira.
Quedamos ás 8 da mañán na igrexa de Santa Liberata en Baiona, de ahí partiremos en coche ata o inicio e o final da ruta. Animádevos a camiñar connosco.